დამატებითი ფუნქციები Class Atlas-ში

დასწრების აღნიშვნა

ახლა ჯგუფებში შეგიძლია მარტივად მონიშნო, ვინ დაესწრო და ვინ არა. დასწრების მონიშვნა ხდება პირდაპირ სისტემიდან აღარ გჭირდება ქაღალდზე ჩაწერა ან ცალკე ცხრილების შექმნა. ყოველი მონიშვნა ინახება, რაც საშუალებას გაძლევს, ნებისმიერ დროს ნახო სრული დასწრების ისტორია თითოეულ მოსწავლეზე.

ეს ფუნქცია განსაკუთრებით მნიშვნელოვანია ტრენერებისთვის, მასწავლებლებისთვის და ადმინისტრაციისთვის, რომლებიც სწრაფად უნდა ორიენტირდნენ, ვის ჰქონდა გაცემული გაკვეთილი და ვის არა.

წესები, კონფიდენციალურობა და თანხმობები

Class Atlas-ში დაემატა განახლებული იურიდიული გვერდები - ახლა რეგისტრაციისას მშობელი ან მოსწავლე პირდაპირ აძლევს თანხმობას მონაცემთა დამუშავებაზე. ეს უზრუნველყოფს სრული შესაბამისობას კონფიდენციალურობის პოლიტიკასთან და იცავს როგორც ორგანიზაციას, ისე მომხმარებელს.

ორგანიზაციებს აღარ უწევთ ცალკე ფორმების შევსება ან ბიუროკრატიული პროცედურების გავლა - ყველაფერი ავტომატურად ხდება რეგისტრაციის დროს.ა

უფრო მარტივი განაცხადები

ბოლო პერიოდში ბევრი ორგანიზაცია სარგებლობს ონლაინ რეგისტრაციის ფორმით, და v1.7.0 სწორედ ამ პროცესს ამარტივებს:

• შევსებული განაცხადები ავტომატურად ხვდება სისტემაში, აღარ იკარგება და აღარ გჭირდება ხელით გადატანა.
• ყველა ახალი მოსწავლის მონაცემი რეალურ დროში ჩანს და შეგიძლია მაშინვე დაიწყო ჯგუფში ჩარიცხვის პროცესი.

ეს ცვლილება განსაკუთრებით გამოგადგება იმ შემთხვევებში, როცა ერთდროულად რამდენიმე ჯგუფში მიმდინარეობს მიღება - ადმინისტრაცია ხედავს ყველაფერს ერთ ეკრანზე, რითაც თავიდან ირიდებს შეცდომებს და დროის დაკარგვას.

ფინანსების მართვა

ფინანსური ბლოკი კიდევ უფრო სტაბილური და ზუსტია.
ახლა:

• დავალიანება ავტომატურად ფარავს ძველ ვალდებულებებს - არ დაგრჩება გაუთვალისწინებელი თანხები.
• ნულოვანი ტრანზაქციები აღარ იქმნება - რაც ფინანსურ სურათს უფრო სუფთას ხდის.
• მოსწავლის გადახდის თარიღი ჩანს პირდაპირ ცხრილში - აღარ გჭირდება დამატებითი ფურცლების გადახედვა.
• ფასდაკლების შეცვლისას ბილინგი ავტომატურად სწორდება, რათა ფინანსური მონაცემები ყოველთვის სინქრონული იყოს.

Class Atlas-ის ფინანსური მოდული უკვე გახდა ერთ-ერთი ყველაზე ზუსტი ინსტრუმენტი არაფორმალური განათლების სექტორში - სისტემა აგვარებს ყველაფერს, რასაც ადრე ხელით აკეთებდი.

მოსწავლეები და ჯგუფები

მოსწავლეთა და ჯგუფების მოდულშიც დაემატა ახალი შესაძლებლობები:

• თითოეულ მოსწავლეს ახლა აქვს კომენტარების ველი, სადაც შეგიძლია დაამატო შენიშვნები, ინდივიდუალური დეტალები ან პროგრესთან დაკავშირებული ინფორმაცია.
• ჯგუფების განრიგში დაემატა სქესის მითითების ველი, რაც დაგეხმარება უფრო მოქნილად მართო შერეული ან სქესის მიხედვით დაყოფილი ჯგუფები.

ეს ცვლილებები ორგანიზაციებს აძლევს საშუალებას, უფრო ზუსტად მოარგონ სისტემა საკუთარ ყოველდღიურ მუშაობას.

Class Atlas-ის ახალი ვერსია არა მხოლოდ ფუნქციურად, არამედ ფილოსოფიურადაც ნაბიჯია წინ - ჩვენი მიზანია, არაფორმალური განათლების მენეჯმენტი გახდეს ისეთი მარტივი, რომ ადმინისტრაცია ნაკლებ დროს ხარჯავდეს ქაღალდებსა და ცხრილებზე, და მეტს - ადამიანებზე, განვითარებასა და სწავლებაზე.

v1.7.0 სწორედ ამ მიმართულებით გადადგმული მორიგი ნაბიჯია.

განახლებული სისტემა უკვე ხელმისაწვდომია ყველა მომხმარებლისთვის.

Class Atlas - ნაკლები ქაოსი, მეტი წესრიგი, უფრო მარტივი დღე.